ក្រុមដំរីថៃបានកែប្រែប្រវត្តិសាស្រ្តសារជាថ្មីនៅចំណាត់ថ្នាក់ពិភពលោក FIFA Ranking ក្រោយចាប់តាំងអ្នកចាត់ការថ្មីលោក Akira Nishino របស់ប្រទេសជប៉ុន។
សម្រាប់ការអាប់ដែតចំណាត់ថ្នាក់ប្រចាំខែតុលា ថៃបានឡើង ៥ លេខរំកិលមកឈរលេខរៀងទី ១០៩ នៅតារាង ដែលចំណាត់ថ្នាក់ខែចាស់ឈរលេខ ១១៤។ ជាលទ្ធផលល្អមួយដែលលោក Akira បានដឹកនាំថៃឲ្យយកឈ្នះទៅលើក្រុមខ្លាំងអារ៉ាប់រួមកន្លងទៅ ២-១។
រំឭកថាថៃធ្លាប់ឡើងដល់លេខ ១០៥ កាលពីឆ្នាំ ២០០៩ ប៉ុន្តែរាប់ ១០ ឆ្នាំចុងក្រោយគឺមិនសូវបានផលល្អនោះឡើយ ពោលគឺធ្លាប់ធ្លាក់ដល់លេខ ១២១ នៅឆ្នាំ ២០១០ និង ១៤៦ នៅប៉ុន្មានឆ្នាំចុងក្រោយនេះថែមទៀត។
ទើបតែចុងឆ្នាំ ២០១៩ នេះ ប្រវត្តិសាស្រ្ត ១ ទសវត្សរ៍បានកែប្រែជាថ្មី ជួយឲ្យដំរីថៃឡើងមកលេខ ១០៩ ជាចំណាត់ថ្នាក់ល្អបំផុតមួយ ក្រោមការដឹកនាំដោយគ្រូជប៉ុនលោក Akira Nishino៕ ប្រភព៖ FoxSportAsia