Scholes ជំរុញ​ឲ្យ United នាំ​យក​ខ្សែ​ប្រយុទ្ធ​ដែល​ក្លឹប​ស្ដេច FA Cup លែង​ត្រូវការ

អតីត​កីឡាករ​ជើង​ចាស់​នៅ​ក្លឹប​បិសាច​ក្រហម​លោក Paul Scholes ​បាន​ណែនាំ​ឲ្យ​ក្លឹប​គួរ​លៃលក​នាំ​យក​ខ្សែ​ប្រយុទ្ធ Mesut Ozil មក​ចូលរួម​នៅ Old Trafford ក្នុង​ពេល​ខាង​មុខ។

កីឡាករ​ Ozil ទើប​បង្ហាញ​ខ្លួន​បា ២ ប្រកួត​គត់​ឲ្យ​កាំភ្លើង​ធំ​រដូវ​កាល ២០១៩/២០ ​ដោយ​រូប​គេ​ហាក់​មិន​មាន​ភាព​ទុក​ចិត្ត​ពី​គ្រូ​បង្វឹក​លោក Unai Emery តាំង​តែ​ពី​មក​ដឹកនាំ​នៅ​ទី​នេះ​មក​ម្ល៉េះ។ ភាគរយ​ច្រើន​គេ​ជឿជាក់​ថា​ក្លឹប​ឈ្នះ​ជើង​ឯក FA Cup ១៣ សម័យ​កាល នឹង​អាច​បាត់បង់ Ozil នៅ​ទីផ្សារ​ដោះដូរ​រដូវ​រងា។

Scholes ​បាន​ប្រាប់ BT Sport៖ “Man Utd ​គួរ​តែ​លៃលក​នរណា​ម្នាក់​ដូច​ជា Ozil ដែល​អាច​មក​ចូលរួម​រួម​គ្នា ព្រោះ​គេ​ជា​កីឡាករ​ដែល​មាន​គុណភាព ហើយ​ក៏​ធ្លាប់​បង្ហាញ​ក្នុង​អាជីព​នេះ​ហើយ​ដែរ”។

លោក​បន្ត៖ “បែប​ណា​មិញ​អាច​ថា Ozil ជា​កីឡាករ​ដែល​អាច​ដោះស្រាយ​បញ្ហា​ឲ្យ ManU ក្នុង​រយៈ​ពេល​ខ្លី ពោល​គឺ​ខ្ញុំ​មិន​អាច​មើល​ឃើញ​បន្ត​ទៅ​មុខ​ទៀត​ទេ”។ រំឭក​ថា​កីឡាករ​វ័យ ៣១ ឆ្នាំ រក​បាន ៤៣ គ្រាប់​សរុប​ក្នុង​ការ​បង្ហាញ​ខ្លួន ២២៣ ប្រកួត​ចាប់​តាំង​ពី​ចាកចេញ​ពី Bernabeu ផ្លាស់​មក Emirate នា​ឆ្នាំ ២០១៤៕ ប្រភព៖ Sportsmole

ភ្ជាប់ទំនាក់ទំនងជាមួយ CTS SPORT