អតីតកីឡាករជើងចាស់របស់ក្លឹប FC Barcelona គឺលោក Rivaldo បានបង្ហាញការជឿជាក់ថាកម្រិតលេងរបស់ Kylian Mbappe គឺមិនទាន់អាចឈានដល់កម្រិតតារាឆ្នើម Lionel Messi និង Cristiano Ronaldo បានទេ ប្រសិនរូបគេបន្តឈរជើងនៅលីគរបស់ប្រទេសបារាំង។
កីឡាករវ័យ ២០ ឆ្នាំដែលជាប់ជាបេក្ខភាព Ballon d’Or ឆ្នាំ ២០១៩ នេះត្រូវបាន Rivaldo ប្រាប់ Betfair៖ “គ្មានអ្វីដែលសង្ស័យនោះទេ គឺពិតណាស់ Mbappe មានគុណភាពគ្រប់គ្រាន់ក្នុងការក្លាយជាកីឡាករកំពូលក្នុងលោកមួយរូប ប៉ុន្តែគេអាចអភិវឌ្ឍទៅបានលុះត្រាណាត្រូវលេងនៅ LaLiga ឬ Premier League ព្រោះកម្រិត Ligue 1 គឺទាបជាងនៅអង់គ្លេសនិងអេស្ប៉ាញឆ្ងាយណាស់”។
លោកសង្កត់ធ្ងន់៖ “ដោយមានការគោរពទៅកាន់ PSG ខ្ញុំនៅតែជឿជាក់ថា Mbappe ចាំបាច់ត្រូវចាកចេញទៅលីគអេស្ប៉ាញឬក្រុមខ្លាំងនៅអង់គ្លេសណាមួយដើម្បីធានាថាអនាគតរបស់គេអាចឈានដល់កម្រិត Messi ឬ Ronaldo”៕ ប្រភព៖ Sportskeeda
