ខ្សែបម្រើសញ្ជាតិឈីលីកីឡាករ Autoro Vidal ហាក់ពុំមានភាពសប្បាយរីករាយនោះទេនឹងការលេងឲ្យក្លឹប FC Barcelona ដោយរដូវកាល ២០១៩/២០ ទើបបង្ហាញខ្លួនបានមួយប្រកួតគត់។
រូបគេមានបំណងនឹងចាកចេញនៅទីផ្សារដោះដូររដូវរងា ហើយអាចផ្លាស់ទៅចូលរួមនៅទ្រនំនៃក្លឹប Inter Milan នៅលីគកំពូល Serie A របស់ អ៊ីតាលីវិញ។ នេះបើតាមសារព័ត៌មាន Gazzetta dello Sport បានចុះផ្សាយ។
បញ្ជាក់ថា Inter ក៏ធ្លាប់ចាប់អារម្មណ៍ចង់បាន Vidal ឲ្យទៅចូលរួមដែរ ប៉ុន្តែត្រូវបានអ្នកមានបុណ្យឆក់យកបានមុនពីក្លឹប Bayern Munich។ ប៉ុន្តែក្រោយពេលដែលមាន de Jong ចំណាត់ថ្នាក់របស់គ្រូបង្វឹកលោក Ernesto Valverde ហាក់មិនសូវមើលឃើញកីឡាកររូបនេះទាល់តែសោះ៕ ប្រភព៖ AF
