ក្រុមកាំភ្លើងធំ Arsenal បានយកឈ្នះលើក្រុម Vitoria ទាំងប្រផុតប្រផើយ ៣-២ ក្នុងការប្រកួតពានរង្វាន់ UEFA Europa League កាលពីយប់មិញនេះ។
ត្បិតតែឈ្នះមែន ប៉ុន្តែទម្រង់លេងក្រុមនៅមិនទាន់ល្អទេ។ អតីតកីឡាករ Arsenal លោក Robin van Persie មើលឃើញចំណុចខ្វះខាតច្រើន។ អ្វីដែលពិសេសនោះគឺកីឡាករក្រុមផ្ទាល់ ហាក់ដូចជាមិនទាន់យល់ចិត្តអ្នកចាត់ការ Emery នៅឡើយទេ។ ដោយទំនាក់ទំនងរវាងអ្នកចាត់ការនិងកូនក្រុម ហាក់នៅឆ្ងាយពីគ្នានៅឡើយ។ ការមិនអាចបញ្ជាកូនក្រុមឱ្យយល់ពីតាក់តិច ពីកន្លែងឈរបញ្ជាបាន នោះនឹងក្លាយជាបញ្ហាធំសម្រាប់ក្រុមមិនខាន។
ក្រុម Arsenal នារដូវកាលនេះ បានដាក់គោលដៅធ្វើយ៉ាងណាចូល Top4 ដើម្បីលេងពានរង្វាន់ UEFA Champions League រដូវកាលក្រោយឱ្យបាន។ ក្លឹបនេះ បានចំណាយប្រាក់ច្រើនសន្ធឹកសន្ធាប់កាលពីរដូវកាលដោះដូរកីឡាករ ដើម្បីនាំអ្នកថ្មីចូលក្រុម៕ប្រភព៖ Dailymail
