ក្រុម Roma បានត្រឹមស្មើក្រុម Borussia Monchengladbach ១-១ ប៉ុណ្ណោះក្នុងការប្រកួតពានរង្វាន់ Europa League យប់មិញ ក្រោយពីមានបាល់ប៉េណាល់ទីចុងម៉ោងកើតឡើង។
Zaniolo បានរកគ្រាប់បាល់នាំមុខឱ្យ Roma មុននៅនាទី៣២ ហើយសឹងតែទទួលបានជ័យជម្នះ៣ពិន្ទុទៅហើយ ប៉ុន្តែបែរជាស្មើវិញ ក្រោយពី Stindl ប៉េណាល់ទីចូលនៅនាទី៩០+៥។ ការទទួលបានបាល់ប៉េណាល់ទីរបស់ក្រុម Borussia Monchengladbach នេះ កំពុងតែមានការតវ៉ាជាច្រើន ត្បិតអីបាល់នេះ ក្រុម Roma គិតថាមិនសមបានឡើយ។
Smalling ខ្សែការពារ Roma ជាអ្នករារាំងបាល់តែតពីខាងកីឡាករ Monchengladbach ដោយយកក្បាលទៅបាំងបាល់នោះ ប៉ុន្តែអាជ្ញាកណ្ដាលបែរជាមើលឃើញថាបាល់នោះប៉ះដៃទៅវិញ ទើបលោកសម្រេចផ្ដល់ប៉េណាល់ទីតែម្ដង។ ស្របពេលការប្រកួតនោះ ក៏មិនបានប្រើ VAR ដើម្បី Review កាត់សេចក្ដីដែរ៕ប្រភព៖ Dailymail