Arsenal ​ឈ្នះ​ក្រុម​ Vitoria ​ចុង​ម៉ោង ​៣-២ ​យប់មិញ​

ក្រុម​កាំភ្លើង​ធំ Arsenal ​យក​ឈ្នះ​លើ​ក្រុម Vitoria ​នៅ​ចុង​ម៉ោង ៣-២ ​ក្នុង​ការ​ប្រកួត​សន្សំ​ពិន្ទុ​ពាន​រង្វាន់ Europa League ​កាល​ពី​យប់មិញ​នេះ។

សម្រាប់​ការ​ប្រកួត​នេះ ​ក្រុម​ភ្ញៀវ Vitoria ​ជា​អ្នក​រក​គ្រាប់​បាល់​នាំ​មុខ​បាន​មុន ដោយ​ Edwards ​នៅ​នាទី​ទី​៨ ​មុន​ពេល Martinelli ​រក​គ្រាប់​បាល់​តាម​ស្មើ​វិញ​បាន​នៅ​នាទី​៣២។ ​មុន​ចប់​តង់​ទី​១​នេះ ​ក្រុម​ភ្ញៀវ​ក៏​រក​បាន​១​គ្រាប់​ទៀត​នាំ​មុខ​ជា​ថ្មី ដោយ Bruno Duarte ​នៅ​នាទី​៣៦។ ​ក្រុម​កាំភ្លើង​ធំ  ចូល​ដល់​តង់​ទី​២ ពួកគេ​ព្យាយាម​ស្វែង​រក​ឱកាស​រហូត​ដល់​នាទី​៨០ ទើប Pepe ​រក​បាន​តាម​ស្មើ​វិញ ២-២។ ​

ការ​ប្រកួត​ឈាន​ចូល​នាទី​បន្ថែម​៩០+២ ​ទៅ​ហើយ ​ទើប Pepe ​ដដែល រក​បាន​១​គ្រាប់​ទៀត ​ជា​គ្រាប់​បាល់​ជ័យជម្នះ​តែ​ម្ដង ​ក្នុង​លទ្ធផល ៣-២។ ​យក​បាន​៣​ពិន្ទុ​បន្ថែម​នេះ ​ក្រុម​Arsenal ​ឈរ​នៅ​ចំណាត់​ថ្នាក់​លេខ​១​ក្នុង​តារាង ​ឆ្លង​កាត់​៣​ប្រកួត ឈ្នះ​ទាំង​៣​ប្រកួត​តែ​ម្ដង៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT