ក្រុម Real Madrid នឹងដេញថ្លៃយកខ្សែប្រយុទ្ធ Lewandowski ពីក្រុម Bayern Munich ម្ដងទៀតនៅខែមករាឆ្នាំ២០២០ ដើម្បីជំនួសតំណែងរបស់ Luka Jovic ដែលធ្វើមិនបានល្អ។
Lewandowski កំពុងលេងល្អមែនទែនឱ្យក្រុម Bayern Munich នារដូវកាលនេះ។ រូបគេស៊ុតចូលសឹងគ្រប់ប្រកួត ដោយរកបាន១៨គ្រាប់ហើយ ក្នុងការលេង១៣ប្រកួតមកនេះ។ ដោយសារតែលេងបានយ៉ាងល្អនេះហើយ ទើបក្រុម Real Madrid ចាប់អារម្មណ៍នឹងចង់បានយកមករួមក្រុមនៅខែមករាខាងមុខជាថ្មីម្ដងទៀត ក្រោយពីបរាជ័យច្រើនលើកមកហើយ។
ការចង់បាន Lewandowski នេះគឺដើម្បីមកជំនួស Luka Jovic ដែលក្លឹបទិញនៅរដូវក្ដៅកន្លងទៅ ប៉ុន្តែលេងមិនល្អដូចការរំពឹងទុកនោះទេ។ តម្លៃខ្លួនរបស់កីឡាករប៉ូឡូញរូបនេះ ត្រូវបានគេដឹងថាប្រមាណជា៦៥លានផោនប៉ុណ្ណោះ ដែលល្មមសម្រាប់ក្រុមរបស់លោក Zidane នាំយកទៅអេស្ប៉ាញហើយ៕ប្រភព៖ Dailymail
