ក្រុម Manchester United នឹងត្រូវលេងទល់ក្រុម Partizan នៅសែប នៅយប់នេះ ពានរង្វាន់ Europa League ។
ក្រុម Partizan នេះ បានរងពិន័យលេងបិទទ្វា២ប្រកួតមកហើយ ដោយសារតែរឿងអ្នកគាំទ្ររើសអើងពូជសាសន៍ ហើយប្រកួតទល់ក្រុម Man Utd នេះ ពួកគេអាចឱ្យអ្នកគាំទ្រខ្លួនចូលមើលវិញបានហើយ។ ការប្រកួតនេះដែរ លោក Ole អ្នកចាត់ការក្រុមបិសាចក្រហម ក៏ព្រមានដល់ម្ចាស់ផ្ទះដែរថាប្រសិនបើមានការរើសអើងកើតឡើងលើកីឡាករខ្លួន នោះពួកគេនឹងដើរចេញពីទីលានមិនប្រកួតតែម្ដង។
រំលឹកថាអ្នកគាំទ្រប៊ុលហ្គារីនេះ បានបង្ហាញពីការរើសអើងកីឡាករស្បែកខ្មៅខ្លាំងមែនទែន។ ជាក់ស្ដែងពេលជម្រើសជាតិនេះលេងទល់ក្រុមអង់គ្លេសកន្លងទៅ មានអ្នកគាំទ្ររើសអើងលើ Sterling និងកីឡាករស្បែកខ្មៅឯទៀតខ្លាំង។ ការរើសអើងនោះ បានធ្វើឱ្យប្រធានសហព័ន្ធបាល់ទាត់របស់ប៊ុលហ្គារីលាឈប់ពីតំណែង និងគ្រូបង្វឹកក៏ត្រូវឈប់ថែមទៀត ដោយសារតែមិនអាចហាមឃាត់អ្នកគាំទ្រខ្លួនឯងបាន៕ប្រភព៖ Dailymail
