ក្លឹប Inter Milan បានយកឈ្នះទៅលើក្លឹប Borussia Dortmund នៅលទ្ធផល ២-០ សម្រាប់ប្រកួតក្នុងពូល F កាលពីយប់មិញ។ ជាគូមរណៈមួយសម្រាប់ប្រកួតនៅជុំទី ៣ វគ្គជម្រុះក្នុងពូល UCL ហើយ ៣ ពិន្ទុនេះសោត ក៏បានរុញឲ្យ Inter ឡើងមកឈរលេខ ២ ក្រោយឈ្នះ ១ ស្មើ ១ ចាញ់ ១ មាន ៤ គ្រាប់សរុប។
គ្រាប់បាល់ដំបូងបង្អស់កើតឡើងនៅនាទី ២២ ធ្វើបានដោយកីឡាករ Lautaro Martinez រហូតដល់ចុងតង់នាទី ៨៩ ទើប Antonio Candreva បំបែកបានមួយគ្រាប់បន្ថែមទៀត។ បើនិយាយពីស្ថិតិសាច់បាល់លើទីលាន ពិតណាស់គឺ Dortmund មានប្រៀបជាង ទាំងការបញ្ជូនក៏ធ្វើបានច្រើនជាងដាច់ដល់ទៅ ៦៣៥ លើក ធៀបនឹង ៤៦១ លើករបស់ម្ចាស់ផ្ទះ ប៉ុន្តែគួរឲ្យសោកស្តាយដែលមិនអាចសម្រេចគ្រាប់បាល់បញ្ចូលទីបាន។
ទស្សនាវីដេអូខាងក្រោម៖
https://www.youtube.com/watch?v=JYvRLDbu5K4&feature=onebox
បញ្ជាក់ថានេះជាប្រកួតនៅ UCL នាវគ្គជម្រុះក្នុងពូលលើកទី ១១ ហើយសម្រាប់លោក Conte ដែលដឹកនាំក្នុងដីខ្លួនឯង ហើយក៏មិនទាន់ស្គាល់ពាក្យថាចាញ់ផងដែរ រាប់ទាំងពេលនៅ Chelsea, Juventus និង Inter Milan នេះផ្ទាល់៕