ការប្រកួត El Clasico ពីដំបូងឡើងបានកំណត់ថានឹងធ្វើឡើងនៅថ្ងៃទី ២៦ តុលាខាងមុខនេះ ប៉ុន្តែក្រោយរងស្ថានការណ៍ក្តៅគគុកផ្នែកនយោបាយនៅតំបន់កាតាឡាន់ សហព័ន្ធក៏សម្រេចលើកមកធ្វើនៅថ្ងៃទី ១៨ ខែធ្នូវិញ។
តើកីឡាកររូបណាខ្លះ ដែលទទួលផលចំណេញពីការផ្លាស់ប្តូរពេលវេលាប្រកួតនេះ? សម្រាប់ Barcelona គឺមិនជាសូវមាននោះទេ ដោយបច្ចុប្បន្នបេក្ខភាពរបួសគឺមានតែ Sergio Roberto មួយគត់ ហើយនិងការជាប់បម្រាមរបស់ Ousmane Dembele បែបនេះប្រសិនលេងនៅថ្ងៃទី ២៦ អ្នកមានបុណ្យនឹងខកខានកីឡាករ ២ រូបនេះ។
ដោយឡែកសម្រាប់ក្លឹប Real Madrid គឺអាចជួបបញ្ហាធ្ងន់ធ្ងរ នៅករណីដែល Clasico ត្រូវលេងនាថ្ងៃទី ២៦ តុលា ព្រោះបេក្ខភាពរបួសរបស់ក្លឹបមានដល់ទៅ ៣ រូបសំខាន់ដូចជា Luka Modric, Gareth Bale និង Lucas Vazquez ខណៈ Marco Asensio ត្បិតការប្រកួតពន្យារដល់ខែធ្នូក៏មិនសង្ឃឹមថាអាចលេងបានដែរ ដរាបណានៅជើងទី ២ ក្នុងឆ្នាំក្រោយ ២០២០៕
ប្រភព៖ Marca