Klopp ៖​វា​ជា​ពេល​ដែល Liverpool ​ត្រូវ​រះ​ឡើង​ហើយ​

លោក Jurgen Klopp ​សប្បាយ​ចិត្ត​ខ្លាំង​នៅ​ពេល​ដែល​មាន​កីឡាករ​ក្រុម Liverpool ​ដល់​ទៅ​៧​នាក់​ជាប់​ឈ្មោះ​បេក្ខភាព​៣០​នាក់​ចុង​ក្រោយ ដណ្ដើម​ពាន Ballon d’Or ​នា​ឆ្នាំ​នេះ​។

ក្រុម Liverpool ​នឹង​ត្រូវ​លេង​ទល់​ក្រុម Genk ​នៅ​ម៉ោង​២​រំលង​អាធ្រាត្រ​នេះ ​ពាន​រង្វាន់ UEFA Champions League ។ ​មុន​ការ​ប្រកួត​នេះ​ចាប់​ផ្ដើម ​លោក Klopp ​បាន​សរសើរ​ដល់​កូន​ក្រុម​ខ្លួន​ថា​បំពេញ​ការងារ​បាន​ល្អ ​តាំង​ពី​រដូវ​កាល​មុន រហូត​មក​ដល់​ពេល​នេះ។ ​លោក ​ថា​ការ​ជាប់​ឈ្មោះ​៧​នាក់​ក្នុង​ចំណោម​៣០​នាក់​ចុង​ក្រោយ​ដណ្ដើម​ពាន Ballon d’Or ​គឺ​ជា​សញ្ញា​បញ្ជាក់​ថា​ក្រុម​ហង្ស​ក្រហម​កាន់​តែ​រីក​ចម្រើន​ទៅ​ហើយ។

គោល​ដៅ​របស់​ក្រុម​បន្ដ​ទៀត គឺ​ការពារ​ពាន​រង្វាន់​ដែល​ឈ្នះ ​និង​ស្វះស្វែង​ឈ្នះ​ពាន​រង្វាន់​ដទៃ​ទៀត ដែល​ខ្លួន​កំពុង​លេង។ ​ជាក់​ស្ដែង​នៅ​អង់គ្លេស ​ដាច់​ពិន្ទុ​ក្រុម​លេខ​២ Man City ​៦​ពិន្ទុ ​និង​ពាន UEFA Champions League ​នេះ​វិញ ​នៅ​ចំណាត់​ថ្នាក់​លេខ​២​ក្នុង​ពូល ២​ប្រកួត​មាន​៣​ពិន្ទុ៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT