លោក Mauricio Pochettino អ្នកចាត់ការក្រុម Spurs ថាលទ្ធផលឈ្នះ ៥-០ យប់មិញនៅ Champions League ធ្វើឱ្យមានទឹកមាត់លេបនិងឱកាសទៅមុខទៀតហើយ។
ក្រុម Spurs បានយកឈ្នះលើក្រុម Red Stars បានក្នុងលទ្ធផល ៥-០ ក្នុងការប្រកួត UEFA Champions League ។ លទ្ធផលឈ្នះយ៉ាងធំធេងនេះ ធ្វើឱ្យអ្នកគាំទ្រសប្បាយចិត្តឡើងវិញបន្តិចហើយ ក្រោយពីក្រុមធ្លាក់ទម្រង់លេងយ៉ាងខ្លាំងកន្លងមក។ ដូចគ្នានេះដែរ Pochettino អ្នកចាត់ការក្រុម Spurs ក៏បានបញ្ជាក់ដែរថា គ្រប់យ៉ាងក្នុងក្រុមចាប់ផ្ដើមប្រសើរឡើងវិញ ជាមួយលទ្ធផលគាប់ប្រសើរនេះ។
“មែនហើយ យើងមានអារម្មណ៍ល្អក្នុងការប្រកួតនេះ។ វាជាលទ្ធផលយ៉ាងសំខាន់សម្រាប់ក្រុម និងធ្វើឱ្យយើងកាន់តែមានទំនុកចិត្តថែមទៀតសម្រាប់ប្រកួតបន្ទាប់។ យើងត្រូវរក្សាភាពស្ងៀមស្ងាត់នៅពេលមានសម្ពាធកើតឡើង ហើយវានឹងកន្លងផុតទៅនៅពេលយើងព្យាយាមធ្វើឱ្យបានល្អបំផុត”។ សម្ដីរបស់លោក Pochettino ៕ប្រភព៖ Dailymail