លោក Mauricio Pochettino នឹងត្រូវដឹកនាំក្រុម Spurs ប្រកួតទល់ក្រុម Red Star Belgrade នៅម៉ោង២រំលងអាធ្រាត្រនេះក្នុងការប្រកួតពានរង្វាន់ UEFA Champions League ។
ក្រុម Spurs កំពុងលេងមិនល្អឡើយទាំងក្នុងលីគអង់គ្លេស និងក្រៅស្រុក។ អ្វីដែលធ្វើឱ្យតំណែងរបស់លោក Pochettino រង្គោះរង្គើខ្លាំងជាងគេ គឺបន្ទាប់ពីចាញ់ក្រុម Bayern Munich ក្នុងលទ្ធផល ៧-២ ក្នុងពានរង្វាន់ UEFA Champions League នេះ។ បច្ចុប្បន្នពួកគេទើបមាន១ពិន្ទុប៉ុណ្ណោះ ឆ្លងកាត់២ប្រកួតមកនេះ។
លោក Pochettino ដែលជាអ្នកចាត់ការក្រុម Spurs បាននិយាយចំពោះការប្រកួតខាងលើដែរថា៖ “ខ្ញុំយល់ វាជាជំនួញ។ ខ្ញុំវ័យ៤៧ឆ្នាំហើយ តើអ្នកដឹងទេ ហេតុអ្វីសក់ខ្ញុំមិនមានពណ៌ស? ពីព្រោះខ្ញុំមិនដែលយកចិត្តទៅខ្វល់ខ្វាយចំពោះរឿងដូច្នេះទេ។ ខ្ញុំខ្វល់តែទម្រង់លេងរបស់ក្រុមដែលត្រូវពង្រឹងបន្ថែមប៉ុណ្ណោះ។ ការប្រកួតនៅរាត្រីនេះពិតជាសំខាន់ ហើយវារឹតតែសំខាន់ថែមទៀតទៅលើលទ្ធផល។ យើងត្រូវការ៣ពិន្ទុ ដើម្បីស្រោចស្រង់ក្រុមឡើងវិញ”៕ប្រភព៖ Dailymail