ត្បិតធ្លាប់រួមអាជីពជាមួយគ្នាអស់រយៈពេលច្រើនឆ្នាំនៅទឹកដី Camp Nou ប៉ុន្តែអតីតជើងចាស់ Carles Puyol ពុំបានចុចយកឈ្មោះ Lionel Messi ថាជាកីឡាករអាចឈ្នះពានរង្វាន់ Ballon d’Or ឆ្នាំ ២០១៩ នេះឡើយ ផ្ទុយទៅវិញលោកបានរើសយកតារាឆ្នើមមួយរូបផ្សេងទៀត។
នោះគឺ Virgil van Dijk ខ្សែការពារឆ្នើមរបស់ហង្សក្រហម Liverpool ដោយ Puyol និយាយថា៖ “Van Dijk ជាខ្សែការពារពេញលេញមួយរូប ត្បិតកន្លងទៅពាននេះរមែងផ្តល់ជូនខ្សែប្រយុទ្ធ ប៉ុន្តែវាក៏ល្អណាស់ដែរព្រោះខ្សែការពារសក្តិសមនឹងទទួលបានវាខ្លាំងណាស់”។
លោកបន្តថា៖ “ជាការពិតណាស់នៅរយៈពេលប៉ុន្មានឆ្នាំចុងក្រោយ Messi សម្រាប់ខ្ញុំគឺធ្វើបានល្អបំផុត តែវាក៏ពិបាកនឹងធ្វើការប្រៀបធៀបជាមួយគាត់ ព្រោះគាត់ជាកីឡាករល្អបំផុតក្នុងប្រវត្តិសាស្រ្ត ហើយយើងក៏មាន Cristiano Ronaldo ម្នាក់ទៀតផងដែរ”។
បញ្ជាក់ថា Van Dijk បានឈ្នះពានបុគ្គលមួយរួចហើយនៅឆ្នាំនេះគឺ UEFA Player of the Year ស្របពេល Messi ឈ្នះបាន The Best FIFA Men’s Player of the Year៕ ប្រភព៖ FoxSportAsia
