ត្បិតកំពុងស្ថិតក្នុងទម្រង់លេងដ៏ល្អមួយនៅការប្រកួតពានរង្វាន់អឺរ៉ុប ប៉ុន្តែអ្នកចាត់ការលោក Pep Guardiola បែរជាឆ្លើយផ្ទុយពីការគិតរបស់អ្នករាល់គ្នា ជុំវិញក្តីសង្ឃឹមក្នុងការឈ្នះពាន UCL រដូវកាល ២០១៩/២០ នេះ។
លោក Pep បានសង្កត់ធ្ងន់ថាក្រុមរបស់លោកហាក់មិនទាន់ត្រៀមខ្លួនរួចរាល់នោះទេ ពោលគឺមិនសូវជាមានទំនុកចិត្តខ្លាំងឡើយ ត្បិតជានិច្ចកាលគេឃើញ City លុតគូបដិបក្ខនៅ UCL មិនប្រណីដៃក៏ដោយ។
អ្នកចាត់ការ Guardiola និយាយថា៖ “មនុស្សជាច្រើននិយាយអំពីគោលដៅនៃការឈ្នះ Champions League តែយើងមិនទាន់ត្រៀមខ្លួនរួចរាល់នោះទេ ត្បិតអីយើងស៊ុតបានច្រើនកាលពី ២ រដូវកាលមុន តែខ្ញុំនៅតែគិតថាយើងត្រូវខិតខំបន្តទៀតលើរឿងមួយនេះ”។
បញ្ជាក់ថានៅជុំទី ៣ នាសប្តាហ៍ក្រោយក្លឹប Man City នឹងត្រូវតតាំង Atalanta នាវេលាម៉ោង ០២:០០ នាទីរំលងអាធ្រាត្រក្នុងទឹកដី Etihad ខណៈពីរជុំដំបូងបានយកឈ្នះលើ Dinamo Zagreb ២-០ និងឈ្នះ Shakhtar ៣-០ ផងដែរ៕ ប្រភព៖ FoxSportAsia