ក្រុម Manchester United លេងស្មើក្រុមហង្សក្រហម Liverpool ក្នុងឡទ្ធផល ១-១ នាការប្រកួតលីគកំពូលអង់គ្លេសសប្ដាហ៍ទី៩។
លេងនៅ Old Trafford ក្រុម Man Utd ហាក់ដូចជាមានកម្លាំងចិត្តខ្លាំង ដោយបានបង្កើតឱកាសស៊ុតជាច្រើនលើក រហូតទទួលបានលទ្ធផល១គ្រាប់នៅនាទី៣៦ ដោយខ្សែប្រយុទ្ធ Rashford ។ តែគួរឱ្យស្ដាយលទ្ធផលនេះ មិនអាចរក្សារហូតដល់ចប់បានទេ។ Lallana នៅនាទី៨៥ ក៏រកគ្រាប់បាល់តាមស្មើបានវិញឱ្យក្រុម Liverpool ដើម្បីបន្ដកំណត់ត្រាមិនចាញ់សោះនារដូវកាលនេះ។
លោក Klopp ក្រោយពីចប់ការប្រកួតបាននិយាយថាក្រុម Man Utd ៤ឆ្នាំមកហើយ តាំងពីលោកមកដឹកនាំ គឺតែងតែលេងការពារជានិច្ច។ ការលេងការពារដូច្នេះ ហើយប៉ះក្រុមលេងប្រយុទ្ធដូច Liverpool វានឹងក្លាយជាប្រកួតមួយដែលមិនសូវល្អមើលនោះទេ។ យ៉ាងណាមិញ ១ពិន្ទុពីប្រកួតនេះ ក៏មិនធ្វើឱ្យក្រុមរបស់លោកបរាជ័យអ្វីដែរ៕ប្រភព៖ Dailymail
