• Mane និយាយ​ឥត​លាក់បាំង​ថា Ballon d’Or ខ្លួន​រើស​យក​កីឡាករ​រូប​នេះ​មិនមែន Van Dijk

    Sadio Mane ​ពុំ​បាន​ជឿជាក់​ថា​មិត្ត​រួម​ក្រុម​ខ្លួន Virgil van Dijk នឹង​អាច​ឈ្នះ​ពាន Ballon d’Or ឆ្នាំ ២០១៩ នេះ​ឡើយ ផ្ទុយ​ទៅ​វិញ​កីឡាករ​សញ្ជាតិ​សេណេហ្គាល់​បាន​រើស​យក​បេក្ខភាព​ឈ្នះ​ពាន FIFA The Best នោះ​គឺ Lionel Messi។

    ប្រាប់​សារព័ត៌មាន Times ខ្សែ​ប្រយុទ្ធ​រូប​នេះ​និយាយ​​ថា៖ “ពិត​ណាស់​ខ្ញុំ​នឹង​បោះឆ្នោត​ឲ្យ Messi ​ហើយ​បន្ទាប់​មក​គឺ Van Dijk។ ត្បិត​អី Van Dijk ជា​កីឡាករ​ល្អ តែ​ខ្ញុំ​សុំទោស​គឺ​ត្រូវ​តែ Messi មុន​អ្នក​ហើយ”។

    បញ្ជាក់​ថា​ Messi ក៏​ទើប​តែ​ទទួល​បាន​ពាន​ស្បែក​ជើង​មាស​លើក​ទី ៦ កាល​ពី​ពេល​កន្លង​ទៅ។ លទ្ធផល​អ្នក​ឈ្នះ Ballon d’Or នឹង​ប្រកាស​ផ្លូវការ​នៅ​អំឡុង​ខែ​ធ្នូ ឆ្នាំ ២០១៩ ខាង​មុខ ដោយ​បេក្ខភាព ៣ រូប​គេ​ជឿជាក់​បំផុត​មាន Messi, Ronaldo និង Van Dijk៕ ប្រភព៖ SportBible

    ភ្ជាប់ទំនាក់ទំនងជាមួយ CTS SPORT