Real បានបាត់បង់ ៣ ពិន្ទុក្រោយបរាជ័យក្រោមថ្វីជើងក្លឹបបាតតារាង Mallorca ជាមួយនឹងការបាត់បង់កីឡាករសំខាន់ Alvaro Odriozola ដែលរងកាតក្រហមថែមទៀតផង។
យ៉ាងណាមិញក្រោយបិទការប្រកួតខ្សែការពារ Marcelo បានបង្ហាញការយល់ឃើញមួយចំនួនថា៖ “ត្បិតយើងចាញ់ តែយើងនឹងនៅតែបន្តខិតខំទៅមុខថែមទៀត វាឈឺចាប់ខ្លាំងសម្រាប់បរាជ័យនេះ ព្រោះពួកយើងលេងបានល្អ”។
កីឡាករកាន់ឆ្នាំសញ្ជាតិប្រេស៊ីលបន្ថែម៖ “តែក្រោយយើងរបូតគ្រាប់បាល់ដើមតង់ ហើយយើងព្យាយាមលេងបាល់វាយបកមកវិញ តែវាមិនអាចទៅរួចនោះឡើយ ពោលគឺយើងបានខិតខំខ្លាំងហើយដើម្បីឈ្នះ តែការប្រកួតប្រជែងនៅ LaLiga ពេលនេះវាលំបាកណាស់”។
រំឭកថា Barcelona បានរំកិលទៅឈរនៅកំពូលតារាងបណ្តោះអាសន្ន ដោយនាំមុខ ១ ពិន្ទុ ស្របពេល Atletico Madrid ក៏ទទួលបានលទ្ធផលស្មើទល់ Valencia កាលពីយប់មិញ៕ ប្រភព៖ BeSoccer