• Zlatko Dalic៖ ​ដំណើរ​របស់​ក្រូអាត ​មិន​បញ្ចប់​ត្រឹម​វគ្គ​១៦​ក្រុម​ចុង​ក្រោយ​ឡើយ

    ក្រុម​ជម្រើស​ជាតិ​ក្រូអាត ​ពិត​ជា​ធ្វើ​បាន​ល្អ​មែនទែន ​ដោយ​រក​បាន​៩​ពិន្ទុ​ឯ​ណោះ ​ក្នុង​ការ​ប្រកួត​៣​ប្រកួត​​ឈរ​កំពូល​តារាង​ក្នុង​ពូល ​កន្លង​មក​នេះ។

    លោក Zlatko Dalic ​គ្រូ​បង្វឹក​ជម្រើស​ជាតិ​ក្រូអាត​សរសើរ​ចំពោះ​ការ​ខិតខំ​ប្រឹងប្រែង​របស់​កីឡាករ ឆ្លង​កាត់​៣​ប្រកួត​មក​នេះ។ ពួកគេ​ពិត​ជា​ធ្វើ​បាន​ល្អ ​និង​បង្ហាញ​ថា​ក្រូអាត​មាន​សមត្ថភាព​គ្រប់គ្រាន់​សម្រាប់​ប្រជែង​ជាមួយ​ក្រុម​ដទៃ​ទៀត។ គ្រូ​បង្វឹក​វ័យ​៥១​ឆ្នាំ​រូប​នេះ​បាន​បន្ដ​ថា ​ក្រូអាត​មិន​ទាន់​បញ្ចប់​មហិច្ឆតា​ត្រឹម​នេះ​នោះ​ទេ ​ពោល​គឺ​អាច​នឹង​ចូល​ជ្រៅ​ជាង​នេះ​ទៅ​ទៀត។

    “គ្មាន​នរណា​គិត​ថា យើង​អាច​រក​បាន​៩​ពិន្ទុ​ក្នុង​ពូល​នេះ​ទេ ប៉ុន្តែ​ពេល​នេះ​យើង​ធ្វើ​បាន​ហើយ។ ការងារ​នៅ​វគ្គ​ក្នុង​ពូល​ត្រូវ​បាន​បញ្ចប់ ដូច្នេះ​យើង​ត្រូវ​ផ្ដោត​ទៅ​លើ​វគ្ក​១៦​ក្រុម​ប៉ះ​ដាណឺម៉ាក​ម្ដង​។ យើង​បាន​បង្ហាញ​សមត្ថភាព​ល្អ​ណាស់​កន្លង​មក ដូច្នេះ​ខ្ញុំ​គិត​ថា​យើង​នឹង​មិន​បញ្ចប់​ដំណើរ​របស់​យើង​ត្រឹម​វគ្គ​១៦​ក្រុម​នេះ​នោះ​ទេ”។ សម្ដី​លោក Zlatko Dalic ​។

    យប់មិញ​នេះ ​ក្រូអាត​បាន​យក​ឈ្នះ​លើ​ក្រុម​អ៊ីស្លង់ ២-១ ​យក​៣​ពិន្ទុ ​និង​រក្សា​កំណត់ត្រា​ឈ្នះ​ទាំង​៣​ប្រកួត​ក្នុង​ពូល។ លើស​ពី​នេះ​ទៅ​ទៀត ​ការ​ឈ្នះ​នេះ​ក៏​បាន​ធ្វើ​ឱ្យ​អាហ្សង់ទីន​មាន​ឱកាស​ឡើង​ទៅ​វគ្គ​១៦​ក្រុម​ចុង​ក្រោយ​ជាមួយ​គ្នា​ផង​ដែរ៕ប្រភព៖ DailyMail

    ភ្ជាប់ទំនាក់ទំនងជាមួយ CTS SPORT