• Mandzukic ​លែង​ហ្វឹកហាត់​ជាមួយ​ក្រុម ព្រោះ​ចង់​ផ្ទេរ​ទៅ Man Utd ​

    ខ្សែ​ប្រយុទ្ធ Mario Mandzukic ​លែង​មក​ហ្វឹកហាត់​ជាមួយ​សមាជិក​ក្រុម Juventus ​ទៀងទាត់​ទៀត​ហើយ ​ដោយសារ​តែ​រូបគេ​កំពុង​រវល់​ចរចា​ជាមួយ​ក្រុម Manchester United ​។

    លោក Sarri ​អ្នក​ចាត់ការ​ក្រុម Juventus ​បាន​ប្រកាស​ដូច​ខាង​លើ​នេះ ​ក្រោយ​ពី​មាន​គេ​សួរ​ច្រើន​រឿង​មិន​ឃើញ Mandzukic មក​ហ្វឹកហាត់​ជាមួយ​ក្រុម។ ​លោក​បាន​បន្ដ​ទៀត​ថា ​កីឡាករ​ក្រូអាត​រូប​នេះ​បាន​ត្រៀម​ជា​ស្រេច​ក្នុង​ការ​ផ្ទេរ​ចេញ​នៅ​ខែ​មករា ព្រោះ​បច្ចុប្បន្ន​រូបគេ​សម្រាក​នៅ​ផ្ទះ ​ហើយ​ក៏​មិន​បាន​ទាក់ទង​ជាមួយ​ក្រុម​ការងារ​លោក​ដែរ។

    ខ្សែ​ប្រយុទ្ធ​ខាង​លើ​មិន​បាន​លេង​សោះ​ឱ្យ​ក្រុម Juventus ​នា​រដូវ​កាល​នេះ ​ពោល​គឺ​ក្រោម​ការ​ដឹក​នាំ​របស់​លោក Sarri ​តែ​ម្ដង។ គេ​ជឿ​ជាក់​នៅ​ខែ​មករា​ខាង​មុខ Man Utd ​នឹង​ទិញ​យក​អតីត​កីឡាករ Bayern Munich ​ម្នាក់​នេះ​ហើយ ​ក្រោយ​ពី​ភាគី​សងខាង​ចរចា​គ្នា​ច្រើន​ដង​ដែរ៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT