• គ្រូ​បង្វឹក​អាហ្សង់ទីន៖ ​ខ្ញុំ​មាន​មោទនភាព​ណាស់ ដែល Messi ​បាន​មក​អោប​ខ្ញុំ ​ពេល​ចប់​ការ​ប្រកួត

    លោក Jorge Sampaoli ​គ្រូ​​បង្វឹក​ក្រុម​អាហ្សង់ទីន ​កំពុង​តែ​ព្យាយាម​ផ្សះផ្សា​ជាមួយ​កីឡាករ​ក្នុង​ក្រុម​វិញ​ហើយ ​បន្ទាប់​ពី​ជ័យជម្នះ ២-១ ​លើ​ក្រុម​នីហ្សេរីយ៉ា ​ហើយ​បាន​ឡើង​វគ្គ​១៦​ក្រុម​ចុង​ក្រោយ។

    ក្រោយ​ពី​ចប់​ការ​ប្រកួត​យ​ប់មិញ​នេះ ​លោក Jorge Sampaoli ​បាន​និយាយ​ដូច្នេះ​ថា​៖ “ខ្ញុំ​មាន​មោទនភាព​ណាស់ ដែល Messi ​បាន​មក​អោប​ខ្ញុំ ​ពេល​ចប់​ការ​ប្រកួត។ គាត់​បាន​ដឹង​ថា​ខ្ញុំ​ប្រឹងប្រែង​ជួយ​ក្រុម​អាហ្សង់ទីន​យ៉ាង​ណា​រាល់​ថ្ងៃ​នេះ។ ខ្ញុំ​មាន​ឱកាស​បាន​ធ្វើ​ដំណើរ​ជាមួយ​គាត់ ​ហើយ​យើង​បាន​ចែក​រំលែក​រឿង​រ៉ាវ​គ្នា​ទៅ​វិញ​ទៅ​មក”។

    គ្រូ​បង្វឹក​ខាង​លើ​មាន​រឿង​រ៉ាវ​ប៉ះ​ទង្គិច​ពាក្យ​សម្ដី​គ្នា​ជា​ច្រើន​ជាមួយ​កីឡាករ​ក្នុង​ក្រុម​អាហ្សង់ទីន ក្រោយ​ពី​ដឹក​នាំ​ក្រុម​បើក​ឆាក World Cup ​មិន​បាន​ល្អ។ យ៉ាងណាមិញ ​ក្រោយ​ពី​ប្រកួត​យប់មិញ​ឈ្នះ​ទៅ ​លោក​អាច​នឹង​ធូរ​ស្រាល​ចិត្ត​បន្តិច​ហើយ ​ដើម្បី​ត្រៀម​ខ្លួន​លេង​វគ្គ​១៦​ក្រុម​ចុង​ក្រោយ​ជាមួយ​ក្រុម​បារាំង៕ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT