Patrick Day អ្នកប្រដាល់អាមេរិក ដែលសន្លប់ទឹក១០កាលពីប្រកួតចុងសប្ដាហ៍កន្លងទៅ បានស្លាប់ហើយ ដោយសារតែប៉ះពាល់ខួរក្បាលខ្លាំងពេក។
Patrick បានចាញ់កីឡាករ Charles Conwell កាលពីថ្ងៃសៅរ៍សប្ដាហ៍មុន ដោយសន្លប់នៅទឹកទី១០។ ប្រកួតនេះ រូបគេប៉ះទង្គិចខួរក្បាលខ្លាំងមែនទែន រហូតត្រូវសែងចេញពីទីលាន និងបញ្ជូនទៅមន្ទីរពេទ្យសង្គ្រោះបន្ទាន់។ តែគួរឱ្យសោកស្ដាយ ដោយសារតែប៉ះទង្គិចនិងដាច់សរសៃខួរក្បាលច្រើនពេក កាលពីយប់មិញនេះ កីឡាករវ័យ២៧ឆ្នាំខាងលើបានស្លាប់ទៅហើយ។
Charles ក្រោយពីដឹងថាដៃគូរបស់ខ្លួនដែលសន្លប់ក្រោមថ្វីដៃខ្លួនបានស្លាប់ រូបគេបានផ្ញើលិខិតចូលរួមរំលែកទុក្ខ និងសោកស្ដាយជាពន់ពេក។ ប្រសិនបើអាចថយក្រោយបាន ខ្លួននឹងមិនប្រកួតឬវាយឱ្យ Patrick សន្លប់ឡើយ។ អ្វីដែលរូបគេចង់បានពីប្រកួតនោះ គឺជ័យជម្នះ មិនមែនជីវិតមនុស្សទេ៕ប្រភព៖ Dailymail
