តាមរបាយការណ៍ពី Sportsmole បានចុះផ្សាយថាក្លឹបយក្ស Real Madrid កំពុងរៀបចំសំណើចង់ផ្តល់ជូន Toni Kroos ជាថ្នូរប្តូរស្មើយក Paul Pogba ចេញពីក្លឹបបិសាចក្រហម Manchester United។
Los Blancos ជាប់ល្ហិចល្ហៀងថាចង់បាន Pogba មក Bernabeu ជាយូរណាស់មកហើយ ព្រោះអីអ្នកចាត់ការលោក Zinedine Zidane ហាក់ពេញចិត្តលើសមត្ថភាពរបស់កីឡាករបារាំងរូបនេះជាខ្លាំង។
បែបនេះហើយក្លឹបក៏នឹងប្រើប្រាស់ខ្សែបម្រើវ័យ ២៩ ឆ្នាំសញ្ជាតិអាល្លឺម៉ង់របស់ខ្លួន ត្បិតអីទើបចុះកុងត្រាថ្មីក៏ដោយ ហើយបញ្ចុះបញ្ចូលឲ្យ Ole Gunnar Solskjaer ព្រមប្រគល់ Pogba មកក្លឹបអេស្ប៉ាញវិញ។ បញ្ជាក់ថា Pogba ក៏មិនសូវបានលេងប៉ុន្មានដែរនារដូវកាល ២០១៩/២០ ក្រោយជួបបញ្ហារបួសកជើង៕ ប្រភព៖ Sportsmole