លោក Borislav Mihaylov ប្រធានសហព័ន្ធបាល់ទាត់ប្រទេសប៊ុលហ្គារី បានប្រកាសលាលែងតំណែងហើយ ក្រោយពីមិនអាចហាមអ្នកគាំទ្ររបស់ខ្លួន ដែលបង្ហាញការរើសអើងកីឡាករស្បែកខ្មៅរបស់អង់គ្លេស។
ក្នុងការប្រកួតជម្រុះ Euro 2020 ក្រុមអង់គ្លេស បានបំបាក់ម្ចាស់ផ្ទះប៊ុលហ្គារី ៦-០។ ក្រៅពីលទ្ធផលនេះទៅ នៅមានរឿងធំមួយទៀតកើតឡើងក្នុងការប្រកួត ពោលគឺក្រុមអ្នកគាំទ្រម្ចាស់ផ្ទះបានបង្ហាញការរើសអើងជេរប្រមាថដល់កីឡាករស្បែកខ្មៅរបស់ក្រុមអង់គ្លេសជាខ្លាំង ជាពិសេសគឺ Sterling តែម្ដង។ កត្តាមិនអាចហាមឃាត់ និងត្រូវ UEFA ពិន័យនេះហើយ ទើបប្រធានសហព័ន្ធបាល់ទាត់ប៊ុលហ្គារី ប្រកាសលាលែងតំណែងតែម្ដង។
ដោយឡែកសម្រាប់ការរើសអើងពណ៌សម្បុរនេះដែរ ខាង UEFA ក៏បានដាក់ពិន័យទៅប៊ុលហ្គារីផងដែរ ហើយមិនត្រឹមតែម្ចាស់ផ្ទះនេះទេដែលត្រូវពិន័យ ក្រុមអង់គ្លេសក៏ត្រូវពិន័យដូចគ្នា ព្រោះពួកគេក៏បានបង្ហាញការមិនគោរព នៅពេលក្រុមប៊ុលហ្គារី គោរពភ្លេងជាតិដែរ៕ប្រភព៖ Dailymail
