អ្នកចាំទី David de Gea បានរងរបួសកាលពីយប់មិញនេះ ក្នុងការបង្ហាញខ្លួនឱ្យក្រុមជម្រើសជាតិអេស្ប៉ាញ ប្រកួតទល់ក្រុមស៊ុយអែត។
De Gea តម្រូវឱ្យប្ដូរចេញនៅនាទី៦០នាការប្រកួតដែលអេស្ប៉ាញ ស្មើក្រុមស៊ុយអែត។ របួសនេះ គេមិនទាន់ច្បាស់ថាធ្ងន់ធ្ងរឬយ៉ាងណានោះទេ ខណៈដែលចុងសប្ដាហ៍នេះ រូបគេមានការប្រកួតសំខាន់ឱ្យក្រុម Man Utd ទល់ក្រុម Liverpool ថែមទៀត។ ប្រសិនបើរបួសសាច់ដុំភ្លៅនេះធ្ងន់ធ្ងរ នោះ Man Utd នៅមានអ្នកចាំទីដៃទី២ម្នាក់ទៀត គឺ Romero សញ្ជាតិអាហ្សង់ទីន។
ការប្រកួតទល់ក្រុម Liverpool នៅចុងសប្ដាហ៍នេះ គឺពិតជាសំខាន់ខ្លាំងណាស់ ព្រោះថាបើ Man Utd នោះ តំណែងរបស់លោក Ole អាចនឹងត្រូវបាត់បង់ហើយ ព្រោះបិសាចក្រហមពេលនេះ ស្ថិតនៅចំណាត់ថ្នាក់លេខ១២ក្នុងតារាងឯណោះ៕ប្រភព៖ Dailymail
