UEFA ​កំពុង​ស៊ើប​រឿង​កីឡាករ​ទួរគី អបអរ​ក្បាច់​កង​ទ័ព​

ក្រុម​បាល់ទាត់​ជម្រើស​ជាតិ​ទួរគី ​លេង​ស្មើ​ក្រុម​ខ្លាំង​បារាំង​នៅ​យប់មិញ​នេះ ​ក្នុង​លទ្ធផល ១-១ ​វគ្គ​ជម្រុះ​ពាន​រង្វាន់ Euro 2020 ។

ខ្សែ​ប្រយុទ្ធ Giroud ​ជា​អ្នក​រក​គ្រាប់​បាល់​ឱ្យ​បារាំង​នាំ​មុខ​មុន ​ក្រោយ​ពី​ប្ដូរ​ចូល​បាន​៤​នាទី​ប៉ុណ្ណោះ ពោល​គឺ​ចូល​នាទី​៧២ ​ហើយ​នាទី​៧៦​ក៏​រក​គ្រាប់​បាល់​បាន​តែ​ម្ដង។ ​តែ​នាំ​មុខ​១​គ្រាប់​នេះ ​មិន​បាន​យូរ​ឡើយ ពោល​គឺ​៥​នាទី​ក្រោយ​មក​ក្រុម​ទួរគី​ក៏​រក​គ្រាប់​បាល់​តាម​ស្មើ​បាន​វិញ ​ដោយ​កីឡាករ Ayhan ​។ ​លទ្ធផល​ស្មើ​នេះ គឺ​ធ្វើ​ឱ្យ​ក្រុម​ទួរគី​ឈរ​នៅ​លេខ​១​ក្នុង​ពូល ​ហើយ​បារាំង​នៅ​លេខ​២។

ការ​អបអរ​គ្រាប់​បាល់​នៅ​យប់មិញ ​ដោយ​ប្រើ​ក្បួន​គោរព​កង​ទ័ព​របស់​ទួរគី ​ត្រូវ UEFA ​ដាក់​ការ​សង្ស័យ​និង​ធ្វើ​ការ​ស៊ើប​អង្កេត ត្បិត​អី​ប្រកួត​មុន ក្រុម​កីឡាករ​នេះ ក៏​ប្រើ​ការ​អបអរ​នេះ​ដែរ។ UEFA ​ដាក់​ការ​សង្ស័យ​ថា​ការ​អបអរ​នេះ គឺ​ក្រុម​កីឡាករ​គោរព​ដល់​កង​ទ័ព​ទួរគី​ដែល​កំពុង​បំពេញ​បេសកកម្ម​នៅ​ភាគ​ខាង​ជើង​ប្រទេស​សីរី៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT