Alison Becker អាចថាជាអ្នកចាំទីដ៏ល្អបំផុតមួយរូបនៅរដូវកាលចុងក្រោយនេះ ហើយក៏ជាអ្នកដែលបន្សល់បរាជ័យសម្រាប់តារាឆ្នើម Lionel Messi ច្រើនបំផុតផងដែរ។
ថ្លែងនៅបទសម្ភាសន៍ជាមួយ Mundo Deportivo អ្នកចាំទីប្រេស៊ីលបានរំឭកដល់រឿងចាស់បែបនេះថា៖ “ការពិតគឺត្រង់ថា Messi លេងបានល្អខ្លាំងនៅជើងទី ១ (ទល់ Liverpool) ដោយរកបាន ២ គ្រាប់ ប៉ុន្តែការត្រលប់មកជើងទី ២ គឺខ្ញុំអាចបញ្ឈប់គាត់បាន”។
Alisson សង្កត់ធ្ងន់៖ “សំណាងបំផុតនោះគឺនៅ ៣ ប្រកួតសំខាន់ដែលខ្ញុំអាចផ្តួលគាត់ ទាំងការលេងនៅ Roma, Liverpool និងប្រេស៊ីល”។
បញ្ជាក់ថាអំឡុងពេលលេងនៅ Roma ក្លឹបអ៊ីតាលីនេះក៏ធ្លាប់វាយបកយកឈ្នះ Barcelona ផងដែរ លុះចូលមកដល់ Liverpool ក៏អ្នកមានបុណ្យធ្លាក់នៅជើងទី ២ ថែមទៀត រីឯអាហ្សង់ទីនក៏បរាជ័យក្រោមថ្វីជើងម្ចាស់ផ្ទះប្រេស៊ីលនៅ Copa America ២០១៩ នេះផងដែរ៕
ប្រភព៖ Mirror
