នៅថ្ងៃទី ១៥ តុលានៅឯកីឡដ្ឋានជាតិអូឡាំពិកនឹងមានបើកការប្រកួតរវាងក្រុមជម្រើសជាតិកម្ពុជានិងអ៊ីរ៉ាក់ នៅជំនួបវគ្គជម្រុះ World Cup ២០២២ កាតា។
កាលពីប្រកួតកន្លងទៅកម្ពុជាបានរងបរាជ័យយ៉ាងដំណំនៅលទ្ធផល ១៤-០ ក្រោមថ្វីជើងក្រុមអ៊ីរ៉ង់នៅក្រៅដី ចុះសម្រាប់ការប្រកួតនៅរាត្រីថ្ងៃស្អែកវិញ?
ជុំវិញចំណាត់ថ្នាក់ FIFA Ranking របស់អ៊ីរ៉ាក់ក៏ជាក្រុមល្អបំផុតមួយផងដែរ ដោយសព្វថ្ងៃឈរនៅលេខ ៧៩ ដោយប្រកួតកន្លងទៅធ្លាប់ស៊ីហុងកុង ២-០ ហើយធ្លាប់យកឈ្នះវៀតណាម ៣-២ នៅប្រកួតក្នុងពូលនៃពាន AFC Asian Cup ២០១៩ ថែមទៀតផង។
ចំណែកគោព្រៃកម្ពុជាយើងវិញ ឈរនៅចំណាត់ថ្នាក់ទី ១៦៩ សម្រាប់ខែកញ្ញា ដោយឡើងបានមួយលេខបើធៀបនឹងខែសីហា ក្រោយទទួលបានលទ្ធផលល្អទល់ហុងកុងនិងបារែន៕
ប្រភព៖ FIFA