Gareth Southgate គ្រូបង្វឹកក្រុមជម្រើសជាតិអង់គ្លេស បានបញ្ជាក់ថាក្រុមបច្ចុប្បន្ននេះមិនទាន់ល្អនៅឡើយទេ ហើយក៏នៅវែងឆ្ងាយទៀតដើម្បីក្លាយជាក្រុមកំពូលផងដែរ។អង់គ្លេស ដែលជាប្រទេសមានលីគល្បីបំផុតលើលោក កំពុងតែមិនទាន់ច្បាស់ពីជម្រើសជាតិរបស់ខ្លួនឡើយ ត្បិតអីពួកគេលេងម្ដងល្អ និងម្ដងមិនល្អដូច្នេះ។ ជាក់ស្ដែងកន្លងទៅនេះ ទើបតែចាញ់ក្រុមឆែក ២-១ ថែមទៀតក្នុងការប្រកួតជម្រុះ Euro 2020 ។ បរាជ័យនេះ បានធ្វើឱ្យអ្នកគាំទ្រខកចិត្តជាខ្លាំងទៅលើការដឹកនាំរបស់លោក Southgate ។
បុរសវ័យ៤៩ឆ្នាំបាននិយាយចំពោះរឿងបរាជ័យនេះដែរថា៖ “យើងដឹងពីអ្វីដែលយើងចង់ធ្វើ និងត្រូវអនុវត្តបន្ដ។ ដើម្បីក្លាយជាក្រុមកំពូលបាន យើងត្រូវធ្វើការច្រើនទៀត។ ដើម្បីឈ្នះការប្រកួតសំខាន់បាន យើងត្រូវតែមានកីឡាករដែលធ្លាប់ឈ្នះពានរង្វាន់ធំៗ ដើម្បីយកបទពិសោធរបស់ពួកគេមិនអនុវត្ត។ យើងនឹងត្រលប់មកភាពល្អឡើងវិញ សម្រាប់ប្រកួតបន្ទាប់”៕
ប្រភព៖ DailyMail
