ក្លឹបកំពុងដុនដាប Sampdoria បានប្រកាសតែងតាំងលោក Claudio Ranieri អតីតគ្រូ Chelsea នងិ Leicester City ធ្វើជាអ្នកចាត់ការរបស់ខ្លួនហើយ។Sampdoria កំពុងស្ថិតនៅបាតតារាងក្នុងលីគកំពូលអ៊ីតាលី។ ក្រុមនេះបានបណ្ដេញអ្នកចាត់ការខ្លួនចោលហើយ មុនពេលប្រកាសស្វែងរកអ្នកចាត់ការថ្មី។ ស្របពេលនេះ ពួកគេរកបានហើយ គឺលោក Ranieri ដែលជាបុរសជោកជាំដោយបទពិសោធក្នុងវិស័យបាល់ទាត់។ ការចូលមកដឹកនាំក្រុមនេះ គោលដៅធំសម្រាប់បុរសវ័យ៦៧ឆ្នាំនេះ គឺស្រោចស្រង់ក្លឹបនេះឱ្យផុតពីតំបន់កាត់ចោល។
នេះជាការដឹកនាំក្រុមលើកទី២០ហើយសម្រាប់បុរសសញ្ជាតិអ៊ីតាលីនេះ ដោយក្នុងចំណោម២០លើកនេះ គឺនៅទឹកដីអ៊ីតាលីចំនួន៩ដង។ អ្វីដែលធ្វើឱ្យគេស្គាល់លោក Ranieri នេះខ្លាំង គឺការដឹកនាំក្រុម Leicester City លើកពាន English Premier League នៅឆ្នាំ២០១៥-១៦៕
ប្រភព៖ BCC
