ខ្សែបម្រើ Pual Pogba កំពុងមានរបួសថ្មីមួយទៀត ដែលនឹងធ្វើឱ្យរូបគេមិនអាចជាទាន់ពេលវេលា សម្រាប់ជួយក្រុម Manchester United ប្រកួតទល់ក្រុម Liverpool បានទេ។
នៅថ្ងៃអាទិត្យទី២០ខែតុលាឆ្នាំ២០១៩ខាងមុខនេះ ក្រុម Manchester United នឹងត្រូវបើកទ្វាផ្ទះស្វាគមន៍ក្រុមភ្ញៀវ Liverpool ហើយក្នុងការប្រកួតលីគកំពូលអង់គ្លេសសប្ដាហ៍ទី៩។ ការប្រកួតនេះដែរ នឹងស្វិតស្វាញខ្លាំង ត្បិតអីវាអាចជាការប្រកួតកាត់សេចក្ដីអនាគតរបស់លោក Ole អ្នកចាត់ការក្រុម Man Utd ក៏ថាបាន។ ស្របពេលខាង Liverpool វិញ ពួកគេកំពុងល្អ មិនទាន់ស្គាល់បរាជ័យឡើយនារដូវកាលនេះ។
ជាមួយគ្នានេះដែរ ក្រុមបិសាចក្រហមដែលមានកីឡាកររបួសច្រើន ហើយសង្ឃឹមជាទាន់ពេលវេលាប្រកួតនោះ ស្រាប់តែមានដំណឹងថ្មីមកទៀតថា Pogba តួអង្គសំខាន់ក្នុងក្រុមបានរងរបួសទៀតហើយ។ របួសថ្មីនេះ ត្រូវបានគេដឹងថាអាចនឹងធ្វើឱ្យកីឡាករបារាំងអវត្តមានពេញមួយខែតុលានេះតែម្ដង។ ដូច្នេះវាមានន័យថាប្រកួតទល់ក្រុម Liverpool រូបគេអាចចូលលេងមិនបានទេ៕ប្រភព៖ Dailymail