ខ្សែការពារ Sergio Ramos ចង់ចូលលេងជាមួយក្រុម U21 ជម្រើសជាតិអេស្ប៉ាញ នៅព្រឹត្តិការណ៍អូឡាំពិកនាពេលខាងមុខ។
ក្នុងព្រឹត្តិការណ៍អូឡាំពិកឆ្នាំ២០២០ ដែលធ្វើឡើងនៅជប៉ុនខាងមុខនេះ ប្រភេទកីឡាបាល់ទាត់ នឹងអនុញ្ញាតឱ្យមានកីឡាករលើសអាយុ៣នាក់ចូលលេងជាមួយក្រុម U21។ កត្តានេះហើយ ទើបបានជា Ramos បានបង្ហើបថារូបគេក៏មានចិត្តចង់ចូលលេងជួយក្រុមយុវជនអេស្ប៉ាញនៅព្រឹត្តិការណ៍អូឡាំពិកនេះដែរ។
ជាមួយការបង្ហើបរបស់ខ្សែការពារក្រុម Real Madrid នេះ ខាងសហព័ន្ធបាល់ទាត់អេស្ប៉ាញក៏កំពុងគិតនិងរកផ្លូវល្អបំផុតមួយសម្រាប់ការប្រកួតនៅអូឡាំពិកខាងមុខនេះដែរ។ បើតាមច្បាប់មែនទែនទៅ ការអនុញ្ញាតឱ្យកីឡាករលើសអាយុ៣នាក់ចូលលេង គឺ Ramos ពិតជាអាចចូលលេងបានមែន៕ប្រភព៖ Marca
