• Emery ​ត្រូវ​បាន Arsenal ​ដាក់​លក្ខខណ្ឌ​ធ្វើ​យ៉ាង​ណា​ត្រូវ​ចូល Top4 ​

    លោក Unai Emery ​ត្រូវ​បាន​ក្លឹប Arsenal ​ដាក់​កំហិត​ថា​ត្រូវ​ធ្វើ​យ៉ាង​ណា​រដូវ​កាល​នេះ ​ចូល​ក្នុង​តំបន់ Top4 ​ឱ្យ​បាន ​ទើប​អាច​រក្សា​កៅអី​បាន​ទៀត។

    ​កាល​ពី​រដូវ​កាល​ដោះដូរ​កន្លង​ទៅ​នេះ ​ក្រុម​កាំភ្លើង​ធំ​បាន​ចំណាយ​អស់​១៥២​លាន​ផោន​ហើយ​ក្នុង​ការ​ទិញ​កីឡាករ​ថ្មី​ចូល។ ​ស្រប​ពេល​បច្ចុប្បន្ន​នេះ​ពួកគេ​បាន​ឈរ​នៅ​ចំណាត់​ថ្នាក់​លេខ​៣ ​ក្នុង​តារាង​ឆ្លង​កាត់​៨​ប្រកួត​កន្លង​មក។ ​ជាមួយ​ការ​ធ្វើ​បាន​ល្អ​នេះ​ដែរ ​ប្រធាន​ក្លឹប Arsenal ​ក៏​បាន​បញ្ជាក់​ប្រាប់​ទៅ​លោក Emery ​ដែល​ជា​អ្នក​ចាត់ការ​ក្រុម​ដែរ​ថា​ត្រូវ​ធ្វើ​យ៉ាង​ណា​ឱ្យ​ចូល​និង​ឈរ​ជើង​នៅ Top4 ​ឱ្យ​បាន។

    លោក​ Raul Sanllehi ​ដែល​ជា​ប្រធាន​ក្លឹប​កាំភ្លើង​ធំ​បាន​ប្រាប់​ទៅ​អ្នក​គាំទ្រ​ថា​រដូវ​កាល​មុន​ក្រុម Arsenal ​បាត់​ឱកាស​លេង UEFA Champions League ​ដែល​ធ្វើ​ឱ្យ​អ្នក​គាំទ្រ​មិន​សប្បាយ​ចិត្ត​នោះ​ទេ។ ដោយ​ឡែក​រដូវ​កាល​នេះ​វិញ ​ក្រុម​បាន​ចំណាយ​ច្រើន និង​មាន​សមាជិក​យ៉ាង​រឹងមាំ ​ដូច្នេះ​ត្រូវ​មាន​ក្ដី​រំពឹង​ខ្ពស់​ថា​នឹង​ជាប់​ក្នុង​តំបន់ Top4 ​ឡើង​វិញ៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT