ខ្សែប្រយុទ្ធ Lionel Messi បានបញ្ជាក់ថាខ្លួនចង់បន្ដលេងរហូតជាមួយក្រុម FC Barcelona ដោយគ្មានចិត្តចង់ទៅលេងនៅក្លឹបដទៃទៀតនោះទេ។
Messi តែងតែត្រូវបានគេប្រៀបធៀបជាមួយ Ronaldo និងលើកយកចំណុចមួយដែលថាហេតុអ្វីបានជាកីឡាករអាហ្សង់ទីននេះ មិនព្រមប្ដូរក្លឹបលេងដូច Ronaldo ដើម្បីបញ្ជាក់ថាខ្លួនជាកីឡាករកំពូល លេងនៅក្លឹបណាក៏បាន។ សម្រាប់រឿងនេះ ត្រូវបានប្រធានក្រុមអ្នកមានបុណ្យបញ្ជាក់ថា ខ្លួនគ្មានចិត្តស្រលាញ់ក្លឹបដទៃទៀតទេ។ មានតែ Barcelona មួយគត់ដែលជាក្លឹបក្នុងក្ដីស្រមៃ និងចង់លេងរហូតទៅ។
Messi ចូលលេងឱ្យក្រុម Barcelona តាំងពីតូច ហើយបច្ចុប្បន្ននេះក៏ក្លាយជាកីឡាកររកគ្រាប់បាល់និងជួយក្រុមឈ្នះពានរង្វាន់បានច្រើនផងដែរ។ មានក្លឹបជាច្រើនបានដេញថ្លៃយកគេដែរ ប៉ុន្តែមិនអាចដល់កំណត់មួយដែលអាចទាក់ទាញចិត្តគេដើម្បីចាកចេញពីអេស្ប៉ាញបានឡើយ៕ប្រភព៖ Dailymail
