• Messi៖ “គេ​កុហក​ទេ ដែល​ថា​ខ្ញុំ​មិន​ចង់​ឲ្យ Griezmann ឈរ​ជើង​នៅ Barcelona”

    នៅ​កិច្ច​សម្ភាសន៍​ជាមួយ​សារព័ត៌មាន RAC1 តារា​ឆ្នើម Lionel Messi ​បាន​បញ្ចប់​នូវ​មន្ទិល​សង្ស័យ​នៃ​ទំនាក់ទំនង​រកាំរកូស​រវាង​ខ្លួន​និង Antoine Griezmann។

    កីឡាករ​ពាក់​អាវ​លេខ ១០ របស់ Barcelona ​បាន​ប្រាប់​ថា៖ “តាម​ពិត​ទៅ​វា​ជា​ការ​កុហក​នោះ​ទេ ដែល​មាន​ការ​លើក​ឡើង​ថា​ខ្ញុំ​មិន​ចង់​បាន Griezmann មក​ទី​នេះ​នោះ ព្រោះ​ឆ្នាំ​ទៅ​ខ្ញុំ​ក៏​ធ្លាប់​បាន​និយាយ​ហើយ​ដែរ​ថា​គេ​ជា​កីឡាករ​ល្អ​បំផុត​មួយ​រូប ហើយ​យើង​ក៏​តែងតែ​ស្វាគមន៍​ការ​មក​ដល់​របស់​គេ​ជានិច្ច”។

    លោក​បន្ត៖ “ខ្ញុំ​ក៏​ចង់​បាន Neymar មក​ទី​នេះ​លើ​ហេតុផល​ដូច​គ្នា​អ៊ីចឹង​ដែរ ប៉ុន្តែ​យើង​មើល​លើស​ពី​ផ្នែក​នៃ​កីឡា ក៏​មាន​ភាគី​ជា​ច្រើន​ដែល​មិន​ចង់​ឲ្យ​គេ​ត្រលប់​មក​ទី​នេះ​វិញ ក្រោយ​មាន​រឿងរ៉ាវ​កើត​ឡើង​ឥត​ឈប់​កន្លង​មក”។

    បញ្ជាក់​ថា Griezmann ​បាន​ចុះ​កុងត្រា​រយៈ​ពេល​យូរ​នៅ​តម្លៃ​ខ្លួន ១២០ លាន​អឺរ៉ូ​ជាមួយ​ក្លឹប FC Barcelona នា​រដូវ​ក្តៅ​ឆ្នាំ ២០១៩៕ ប្រភព៖ BeSoccer

    ភ្ជាប់ទំនាក់ទំនងជាមួយ CTS SPORT