ខ្សែបម្រើ Ivan Rakitic នារដូវកាលថ្មីនេះ មិនសូវបានចូលលេងឡើយ ដោយឆ្លងកាត់ប៉ុន្មានប្រកួតមកហើយទើបលេងបាន១៨៧នាទីប៉ុណ្ណោះឱ្យក្រុម Barcelona ។
ការមិនសូវបានលេងនេះហើយ ធ្វើឱ្យកីឡាករវ័យ៣១ឆ្នាំមិនពេញចិត្តឡើយ ដោយរូបគេចង់បាននាទីលេងច្រើនជាងនេះ ជាពិសេសជម្រើស១១នាក់ដំបូងតែម្ដង។ កីឡាករក្រូអាតបាននិយាយដូច្នេះថា៖ “វាមានអារម្មណ៍ដែរ ព្រោះខ្ញុំចង់លេងមិនមែនគ្រាន់តែមកអង្គុយមើលនិងជាផ្នែកមួយនៃពួកគេនោះទេ។ ខ្ញុំនឹងធ្វើគ្រប់យ៉ាងដើម្បីផ្លាស់ប្ដូរស្ថានភាពនេះ។ ខ្ញុំនៅសល់២ឆ្នាំទៀតលើកុងត្រា ហើយគ្មានកន្លែងណាល្អជាងក្លឹប Barcelona ទេ”។
រដូវក្ដៅកន្លងទៅ ក្រុម Juventus បានចាប់អារម្មណ៍លើ Rakitic នេះ ហើយ Ronaldo ផ្ទាល់ក៏ចង់ឃើញខ្សែបម្រើដែលជាមិត្តរួមសញ្ជាតិរបស់ Modric ចូលលេងនៅជាមួយដែរ។ តែចុងក្រោយមិនអាចកើតមានការផ្ទេរបាន ព្រោះតម្លៃខ្លួនដែល Barcelona ដាក់ខ្ពស់ខ្លាំងពេក៕ប្រភព៖ Dailymail