ក្រុមអ៊ីរ៉ង់ នឹងបើកកីឡដ្ឋានយក្សរបស់ខ្លួន ស្វាគមន៍ក្រុមគោព្រៃកម្ពុជា នៅថ្ងៃទី១០ខែតុលាឆ្នាំ២០១៩ខាងមុខនេះ វេលាម៉ោង៨:៣០នាទីយប់ ក្នុងវគ្គជម្រុះពានរង្វាន់ FIFA World Cup 2022 ។
លោក Marc Wilmots គ្រូបង្វឹកក្រុមជម្រើសជាតិអ៊ីរ៉ង់បាននិយាយកាលពីម្សិលមិញនេះថា ក្រុមរបស់លោកត្រូវយកឈ្នះកម្ពុជាឱ្យបានសម្រាប់ការប្រកួតនេះ។ គោលដៅរបស់លោកគឺឈ្នះគ្រប់ប្រកួតក្នុងពូល ដើម្បីឈរនៅចំណាត់ថ្នាក់លេខ១។ លោកនឹងដឹកនាំក្រុមលេងប្រយុទ្ធដូចកាលប៉ះក្រុមហុងកុងដូច្នេះដែរ។ ឈ្នះក្នុងដីខ្លួនឯង គឺជារឿងសំខាន់ណាស់ដែលអ៊ីរ៉ង់ត្រូវធ្វើ។
អ៊ីរ៉ង់ជាអ្នកគ្រងលេខ១ក្នុងតំបន់អាស៊ី ជាក្រុមខ្លាំងជាងគេ ហើយមានកីឡាករល្អៗច្រើនណាស់។ ក្រៅពីកីឡាករល្អៗហើយ ពួកគេទើបតែតែងតាំងគ្រូបង្វឹកឆ្នើមមកដឹកនាំថែមទៀតគឺលោក Marc Wilmots ដែលជាអតីតកីឡាករនិងគ្រូបង្វឹកជម្រើសជាតិបែលហ្សិកដែរ៕ប្រភព៖ Tehrantimes
