តំណែងរបស់លោក Pochettino ឡើងកម្ដៅខ្លាំង ក្រោយពីដឹកនាំក្រុមមិនបានល្អនាដើមរដូវកាលនេះ ជាក់ស្ដែងក្រោយពីចាញ់ Bayern Munich ៧-២ និងបន្ដចាញ់ក្រុម Brigton ៣-០ ទៀត។
ប្រភពនៅអង់គ្លេសបានបញ្ជាក់ថាប្រសិនបើ១ប្រកួតទៀតនៅតែធ្វើមិនបានល្អ នោះតំណែងរបស់លោក Pochettino អាចនឹងបញ្ចប់ត្រឹមនេះហើយ។ ស្របពេលក្លឹប Spurs វិញ ក៏កំពុងស្វែងរកអ្នកចាត់ការថ្មីមកជំនួសផងដែរ។ លោក Jose Mourinho គឺជាបេក្ខភាពទី១ដែលត្រូវបានគេដឹងថាក្លឹប Spurs កំពុងទាក់ទង។
អតីតអ្នកចាត់ការក្រុម Man Utd ខាងលើ ខានកាន់ក្លឹបជាង១ឆ្នាំមកហើយដែរ ក្រោយពីត្រូវក្រុមបិសាចក្រហមបណ្ដេញចេញ។ មានក្លឹបជាច្រើនដែលបានទាក់ទងមកបុរសសញ្ជាតិព័រទុយហ្គាល់នេះ ប៉ុន្តែដោយសារលក្ខខណ្ឌមិនត្រូវគ្នាទើបលោកសម្រេចមិនទាន់ដឹកនាំក្រុម។ បច្ចុប្បន្ននៅក្រុម Spurs គេជឿថាលោក Jose នឹងព្រមទទួលការងារមិនខាន៕ប្រភព៖ Dailymail