មុនឈានដល់ការប្រកួតឲ្យក្រុមជម្រើសជាតិបារាំង ខ្សែការពារកណ្តាល Raphael Varane បានបង្ហាញការយល់ឃើញមួយចំនួនទាក់ទិននឹងស្ថានការណ៍របស់ក្លឹប Real Madrid ក៏ដូចជាមិត្តរួមក្រុម/ជម្រើសជាតិមួយចំនួន។
កីឡាករវ័យ ២៦ ឆ្នាំបានសង្កត់ធ្ងន់ថា Karim Benzema គឺជាខ្សែប្រយុទ្ធកំពូលមួយរូប។ ប្រាប់សារព័ត៌មាន El Transistor ខ្សែការពារបារាំងប្រាប់ថា៖ “Benzema ស្ថិតក្នុងចំណោមខ្សែប្រយុទ្ធល្អបំផុតទាំង ៥ ក្នុងលោក”។
ដោយឡែកបង្វែរដល់រឿងរ៉ាវ Kylian Mbappe បុរសវ័យ ២៦ ឆ្នាំបន្ត៖ “ខ្ញុំគឺតែងតែចង់បាន Mbappe ស្ថិតក្នុងក្រុមរបស់ខ្ញុំ ដោយប្រសិនណាថ្ងៃណាមួយគេសួរមតិពីខ្ញុំ នោះខ្ញុំមានតែនិយាយពីចំណុចល្អរបស់ Real Madrid តែប៉ុណ្ណោះ”។
បញ្ជាក់ថាក្រុមមាន់គកបារាំងនឹងត្រូវតតាំងអ៊ីស្លង់នៅថ្ងៃទី ១២ តុលា មុនប៉ះទួរគីថ្ងៃទី ១៥ តុលបិទវគ្គ International Break សម្រាប់ខែតុលា៕ ប្រភព៖ Marca