Mata៖ “បាល់​ឥឡូវ​ពិបាក​លេង​ណាស់ ព្រោះ​ក្លឹប​ណា​ក៏​មាន​លុយ​ទិញ​កីឡាករ​ល្អ​ចូល​ដែរ”

Juan Mata ​បាន​ចេញ​មុខ​បកស្រាយ​ពី​ស្ថានភាព​នៃ​ការ​ប្រកួតប្រជែង​ក្នុង​ក្របខ័ណ្ឌ Premier League នៅ​ពេល​បច្ចុប្បន្ន​នេះ ដោយ​បញ្ជាក់​ថា​គ្រប់​យ៉ាង​គឺ​មាន​ភាព​លំបាក​ធៀប​នឹង​អតីត​កាល។

សព្វថ្ងៃ United ឈរ​នៅ​ចំណាត់ថ្នាក់​ទី ១២ ​មាន ៩ ពិន្ទុ​ក្រោយ​ចប់​ការ​ប្រកួត​ជុំ​ទី ៨ ដាច់​ពិន្ទុ​ឆ្ងាយ​ដល់​ទៅ ៥ ពិន្ទុ​បើ​ធៀប​នឹង​ក្រុម​នៅ​ចំណាត់ថ្នាក់​កំពូល​ទាំង​បួន។ ប្រាប់​សារព័ត៌មាន Sky Sport កីឡាករ Mata និយាយ​ថា៖ “ខ្ញុំ​គិត​ថា​គ្រប់​ក្លឹប​ទាំង​អស់​សុទ្ធ​សឹង​តែ​បាន​ពង្រឹង និង​ជា​ពិសេស​ដូច​ជា​ក្លឹប Leicester ដែល​ធ្វើ​បាន​ល្អ​ខ្លាំង និង​ប្រមូល​ផ្តុំ​ដោយ​កីឡាករ​ល្អ​ដែល​ជួយ​ឲ្យ​ពួក​គេ​ឈរ​ដល់​កម្រិត​មួយ​ផ្សេង​ទៀត”។

លោក​បន្ត៖ “មិន​យូរ​ប៉ុន្មាន​ទេ​ដែល Leicester ធ្លាប់​ឈ្នះ​ពាន PL បែប​នេះ​ពួក​គេ​ដឹង​ពី​វិធី​ដើម្បី​ឈោង​ដល់​ចំណុច​នោះ។ បាល់ទាត់​សព្វថ្ងៃ​គឺ​លំបាក​កាន់​តែ​ខ្លាំង​ឡើង ព្រោះ​គ្រប់​ក្លឹប​សុទ្ធ​សឹង​តែ​បាន​អភិវឌ្ឍ និង​មាន​ការ​ប្រកួតប្រជែង​ខ្លាំង ហើយ​បណ្តា​ក្លឹប​ណាៗ​ក៏​អាច​នាំ​ចូល​កីឡាករ​ល្អៗ បែប​នេះ​មាន​ឱកាស​ច្រើន​ក្នុង​ការ​ឈោង​ដល់​គោលដៅ​ដែល​ពួក​គេ​ចង់​បាន”៕ ប្រភព៖ AF

ភ្ជាប់ទំនាក់ទំនងជាមួយ CTS SPORT

អត្ថបទទាក់ទង

  • អត្ថបទថ្មី