ខ្សែប្រយុទ្ធ Lionel Messi បានបញ្ជាក់ថាប្រសិនបើកីឡាករ Neymar មិនមកចូលរួមជាមួយក្រុម Barcelona ទេ គួរតែទៅលេងនៅក្លឹប Real Madrid ទៅ ទើបជាការល្អ។
កាលពីរដូវក្ដៅកន្លងទៅ Neymar និយាយដោយមិនលាក់លៀមឡើយថារូបគេចង់ត្រលប់មកចូលរួមជាមួយក្រុម Barcelona វិញ ព្រោះអត់មានអារម្មណ៍លេងឱ្យក្រុម PSG ទៀតទេ។ តែក្រោយពីការចរចាគ្នារវាងក្លឹបទាំងពីរធ្វើឡើងមិនបានសម្រេច ទើបបណ្ដាលឱ្យកីឡាករប្រេស៊ីលនេះ ត្រូវបន្ដលេងឱ្យក្រុមយក្សបារាំង១រដូវកាលនេះទៀត។
ជាមួយការផ្ទេរនេះដែរ Messi ប្រធានក្រុម Barcelona ក៏បានបង្ហាញចំណាប់អារម្មណ៍ដែរថា៖ “ខ្ញុំគិតថា Neymar គួរតែទៅ Real Madrid ប្រសិនបើគេមិនមកទីនេះ។ គាត់ពិតជាចង់ចាកចេញពី PSG ណាស់ ដូចដែលគាត់បានបង្ហាញ។ ហើយខ្ញុំគិតថា Perez និង Real គួរតែធ្វើគ្រប់យ៉ាងដើម្បីយកគាត់”៕ប្រភព៖ Marca