នៅថ្ងៃទី ១២ និង ១៦ ខែតុលានេះ ក្រុមជម្រើសជាតិកូឡុំប៊ីនឹងបើកការតតាំងមិត្តភាពទល់ក្រុមជម្រើសជាតិឈីលីនិងអាល់ហ្សេរី ពោលគឺស្ថិតក្នុងពេលវេលា International Break ដែលកីឡាករទាំងអស់អាចសម្រាកពីក្លឹប មកចូលរួមជាមួយជម្រើសជាតិ។
យ៉ាងណាមិញសម្រាប់ខ្សែបម្រើប្រយុទ្ធ James Rodriguez បានបដិសេធមិនចូលរួម ដោយស្នើសុំគ្រូបង្វឹកកូឡុំប៊ីលោក Carlos Queiroz យកពេលបន្តហ្វឹកហាត់នៅជំរំរបស់ក្លឹប Real Madrid បន្តទៀត។ នេះក៏ដោយសារចង់ទទួលបានឱកាសពីលោក Zinedine Zidane ក្រោយរូបគេទើបសម្ភោធគ្រាប់បាល់ឲ្យស្តេចសពេលលេងប៉ះ Granada ថ្ងៃមុន។
នៅបាល់ចុងម៉ោងមុនបិទការប្រកួតប៉ុន្មាននាទី James បានបំបែកគ្រាប់បាល់យកឈ្នះ ៤-២ ដែលធ្វើឲ្យមានការសាទរជាខ្លាំង ហើយការខិតខំបន្ថែមទៀតលោកសង្ឃឹមថានឹងមានឱកាសចូលលេងទល់ Real Mallorca នាថ្ងៃទី ១៩ តុលា ក៏ដូចជាវិលមកទួរគីប៉ះ Galatasaray នៅ UCL៕ ប្រភព៖ Marca