អតីតកីឡាករថ្នាលយុវជនរបស់ United លោក Robbie Savage បានបង្ហាញការយល់ឃើញថាក្លឹបបិសាចក្រហមអាចនឹងត្រូវផ្ទេរតំណែងគ្រូបង្វឹក ទៅកាន់លោក Brendan Rodgers អតីតគ្រូចាស់នៅហង្សក្រហមក្នុងពេលអនាគត។
ឆ្លើយតបនឹងបរាជ័យរបស់ United ដែលចាញ់ស្មើឥតឈប់ក្នុងប៉ុន្មានប្រកួតចុងក្រោយ លោក Savage បានប្រាប់ Daily Mirror៖ “Brendan Rodgers កំពុងដឹកនាំឲ្យ Leicester City ត្រលប់មកកាន់ Champions League ម្តងទៀត ហើយអនាគតរបស់គាត់គឺនឹងក្លាយជាអ្នកចាត់ការនៅ Man Utd”។
លោកសង្កត់ធ្ងន់ថា៖ “កុំគិតខុសលើខ្ញុំ ពេលដែលខ្ញុំនិយាយថា Rodgers អាចមានវាសនាដឹកនាំ United ព្រោះនេះខ្ញុំមិនបានមានន័យថា Solskjaer គួរតែត្រូវបណ្តេញចេញពេលនេះទេ ប៉ុន្តែដោយសារការមើលឃើញពីការងារជោគជ័យរបស់ Rodgers ចាប់តាំងពីគាត់មកដឹកនាំនៅ King Power រយៈពេល ៨ ខែកន្លងទៅ”៕ ប្រភព៖ FoxSportAsia