• Barcelona ​ឡើង​លេខ​២ ​ប្រដេញ​ពិន្ទុ Real Madrid ​វិញ​ហើយ​

    ក្រុម FC Barcelona ​យក​ឈ្នះ​លើ​ក្រុម Sevilla ៤-០ ​នៅ​យប់មិញ ​ធ្វើ​ឱ្យ​ពួកគេ​ឡើង​ឈរ​នៅ​លេខ​២ ​ក្នុង​តារាង La Liga ​ហើយ​ចាញ់​ពិន្ទុ​ក្រុម​កំពូល​តារាង Real Madrid ​តែ​២​ពិន្ទុ​ប៉ុណ្ណោះ។

    ក្រោយ​ជា​សះស្បើយ​ពី​របួស Lionel Messi ​ក៏​បាន​បង្ហាញ​ខ្លួន​ជួយ​ក្រុម​ពេញ​ជើង​ឡើង​វិញ។ ជាក់​ស្ដែង​នៅ​យប់មិញ ​ក្នុង​ជ័យជម្នះ​លើ​ក្រុម Sevilla ​៤-០ ​នោះ ក៏​ប្រធាន​ក្រុម​រូប​នេះ​រក​បាន​១​គ្រាប់ ដែល​ជា​គ្រាប់​បាល់​ដំបូង​នៅ La Liga ​ផង​ដែរ។ ក្រុម​អ្នក​មាន​បុណ្យ​ហាក់​ដូចជា​ពេញ​ជើង​ឡើង​វិញ​ហើយ ​និង​មាន​ទម្រង់​លេង​យ៉ាង​ល្អ​ថែម​ទៀត។ ​៤​គ្រាប់​យប់មិញ​ធ្វើ​បាន​ដោយ Suarez ​នៅ​នាទី​២៧ Vidal ​នាទី​៣២ Dembele ​នាទី​៣៥ ​និង Messi ​នាទី​៧៨។

    ត្បិត​តែ​ឈ្នះ​បាន​មែន​នៅ​យប់មិញ ប៉ុន្តែ​ក៏​មាន​រឿង​មិន​ល្អ​កើត​ឡើង​សម្រាប់​ក្រុម Barcelona ​ដែរ។ ​កីឡាករ​២​នាក់​របស់​ពួកគេ Ronald Araujo ​និង ​Ousmane Dembele ត្រូវ​អាជ្ញាកណ្ដាល​ផ្ដល់​កាត​ក្រហម​បណ្ដេញ​ចេញ​ពី​ទីលាន។ Araujo ​ត្រូវ​បាន​អាជ្ញាកណ្ដាល​ផ្ដល់​កាត​ក្រហម ​ស្រប​ពេល Dembele ​ដែល​ស្ទុះ​ទៅ​ជួយ​តវ៉ា​នោះ ​បាន​ហៅ​អាជ្ញាកណ្ដាល​ថា​មនុស្ស​អាក្រក់ ​ទើប​ត្រូវ​ទទួល​បាន​កាត​ក្រហម​ដែរ​ទៅ៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT