Hamza Choudhury ខ្សែបម្រើរបស់ក្រុម Leicester City ត្រូវអ្នកគាំទ្រនៅអង់គ្លេសមើលងាយ រើសអើងពូជសាសន៍អស់ស្ទះកាលពីយប់មិញ ក្រោយបង្កកំហុសលើ Salah ឱ្យរបួស។ការប្រកួតយប់មិញ ក្រុម Liverpool បានយកឈ្នះលើក្រុម Leicester City ក្នុងលទ្ធផល ២-១។ ក្នុងការប្រកួតនេះ មានការប៉ះទង្គិចគ្នាច្រើន រហូតដល់មានអ្នកគាំទ្របានបង្ហាញការរើសអើងពូជសាសន៍ថែមទៀតផង។ ខ្សែបម្រើ Hamza របស់ Leicester ក្រោយពីបង្កកំហុសលើ Salah ហើយ ត្រូវអ្នកគាំទ្រមើលងាយយ៉ាងខ្លាំង។
នៅលើបណ្ដាញសង្គមអ្នកគាំទ្រក្រុមនៅអង់គ្លេស បានហៅកីឡាករមានម្ដាយជាជនជាតិបង់ក្លាដេសថាជាស្វានៅអាស៊ី។ ហើយខ្លះទៀត ក៏សរសេរថា Hamza ជាកីឡាករស្បែកខ្មៅអាក្រក់បំផុត ដែលពួកគេបានជួប។ ដោយឡែកការរើសអើងនេះ មិនមែនទើបតែកើតមានឡើងនារដូវកាលនេះទេ កន្លងមកក៏មានកីឡាករត្រូវអ្នកគាំទ្រមើលងាយដូច្នេះដូចជា Marcus Rashford និង Paul Pogba៕
ប្រភព៖ DailyMail