Hazard ​និយាយ​យ៉ាង​ណា ពេល​រក​បាន​គ្រាប់​ដំបូង​ឱ្យ Real Madrid ​

ខ្សែ​ប្រយុទ្ធ Eden Hazard ​រក​គ្រាប់​បាល់​ដំបូង​របស់​ខ្លួន​បាន​ហើយ​ឱ្យ​ក្រុម Real Madrid ​ក្នុង​ជ័យជម្នះ​លើ​ក្រុម Granada ​៤-២ ​នៅ​យប់មិញ​នេះ​។វា​ជា​គ្រាប់​បាល់​ដំបូង​របស់​កីឡាករ​បែលហ្សិក​នេះ ​ហើយ​ក៏​បាន​ធ្វើ​ឱ្យ​អ្នក​គាំទ្រ​សប្បាយ​ចិត្ត​វិញ​ផង​ដែរ ​ព្រោះ​មិនមែន​តែ​រក​គ្រាប់​បាល់​បាន​ទេ ​រូបគេ​ក៏​បោះ​បាល់​ឱ្យ​មិត្ត​រួម​ក្រុម​១​គ្រាប់​ផង​ដែរ។ ក្រោយ​ចប់​ការ​ប្រកួត ​អតីត​កីឡាករ Chelsea ​រូប​នេះ​បាន​និយាយ​ដូច្នេះ​ថា​៖ “គ្រាប់​បាល់​គឺ​ជា​រឿង​សំខាន់​ណាស់​សម្រាប់​ខ្ញុំ។ ខ្ញុំ​សប្បាយ​ចិត្ត​ដែល​ក្រុម​ឈ្នះ។ យើង​កំពុង​នៅ​កំពូល​តារាង ​ហើយ​នោះ​ជា​អ្វី​ដែល​យើង​ត្រូវ​ការ។ វា​តែងតែ​ពិបាក​សម្រាប់​ការ​រក​គ្រាប់​បាល់​ដំបូង ប៉ុន្តែ​វា​បាន​កើត​ឡើង​ហើយ”។

ត្រឹម​សប្ដាហ៍​ទី​៨​នេះ ​ក្រុម Real Madrid ​ឈរ​នៅ​លេខ​១​កំពូល​តារាង​ឆ្លង​កាត់​៨​ប្រកួត មាន​១៨​ពិន្ទុ ​មិន​ទាន់​បរាជ័យ​នៅ​ឡើយ​ទេ។ ​ដោយ​ឡែក​ដៃ​គូ​ប្រជែង​ដទៃ​ទៀត​ដែល​ត្រូវ​ប្រកួត​នៅ​យប់​នេះ គឺ Atletico Madrid ​នៅ​លេខ​៣ ​មាន​១៤​ពិន្ទុ ​និង​ក្រុម Barcelona ​នៅ​លេខ​៤ ​មាន​១៣​ពិន្ទុ៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT