ក្រុម Inter Milan បានបរាជ័យនៅទឹកដី Camp Nou ក្នុងលទ្ធផល ២-១ នាការប្រកួតទី២ពានរង្វាន់ UEFA Champions League កាលពីយប់មិញនេះ។
ក្រុមមកពីអ៊ីតាលីខាងលើនេះ ជាអ្នកនាំមុខក្រុម Barcelona មុន តាំងពីនាទីទី២ដើមតង់ទី១ម្ល៉េះ ប៉ុន្តែមិនអាចទប់ក្រុមយក្សអេស្ប៉ាញជាប់ឡើយ។ នៅនាទី៥៨ ខ្សែប្រយុទ្ធចាស់វស្សា Suarez ក៏រកគ្រាប់បាល់តាមបានស្មើវិញ មុនពេលថែមបានគ្រាប់បាល់ទី២នៅចុងម៉ោង នាទី៨៤ ដែលជាគ្រាប់បាល់កើតចេញពីការបញ្ជូនរបស់ Lionel Messi ។
លោក Conte អ្នកចាត់ការក្រុម Inter Milan បានបញ្ជាក់ថាក្នុងការប្រកួតនេះ ក្រុមរបស់លោកសមជាក្រុមទទួលបានជ័យជម្នះជាង។ ក្រុម Inter Milan បានព្យាយាមធ្វើគ្រប់យ៉ាងដើម្បីរក្សាលទ្ធផល និងទទួលបាន៣ពិន្ទុត្រលប់ទៅវិញ ប៉ុន្តែចុងក្រោយការប្រកួតនេះត្រូវសម្រេចដោយកីឡាករដ៏អស្ចារ្យ (Suarez និង Messi )។ ពួកគេបានផ្លាស់ប្ដូរការប្រកួតទាំងស្រង់៕ប្រភព៖ Marca
