Neuer៖ “ខ្ញុំ​ពិត​ជា​សោកស្ដាយ ដែល Lloris មិន​អាច​ធ្វើ​អ្វី​បាន​ទាំង​អស់”

អ្នកចាំទី​របស់​ក្លឹប Bayern Munich គឺ Manuel Neuer ​បាន​បង្ហាញ​ការ​សោកស្តាយ​សម្រាប់​ក្លឹប Tottenham Hotspur ជាមួយ​បរាជ័យ​នៅ​លទ្ធផល ៧-២ ជា​ពិសេស​សម្រាប់​កីឡាករ​លេង​នៅ​តំណែង​ដូច​គ្នា​គឺ Hugo Lloris របស់​ក្រុម​ម្ចាស់​ផ្ទះ​ផ្ទាល់​តែ​ម្តង។

Neuer បាន​និយាយ​ក្រោយ​បិទ​ការ​ប្រកួត​ថា៖ “ខ្ញុំ​ពិត​ជា​មាន​អារម្មណ៍​សោកស្តាយ​បន្តិច​មែន​សម្រាប់ Hugo Lloris ព្រោះ​គាត់​ត្រូវ​របូត​គ្រាប់​បាល់​ដល់​ទៅ ៧ លើក​ក្នុង​ទឹកដី​ខ្លួន​ឯង ទាំង​ដែល​គាត់​មិន​អាច​ធ្វើអ្វី​បាន​ទាំង​អស់ វា​ពិត​ជា​គួរ​ឲ្យ​អាណិត​ណាស់​សម្រាប់​គាត់”។

បញ្ជាក់​ថា​កាល​ពី​យប់​មិញ Bayern Munich ស៊ុត​ចំនួន ១៩ លើក​ចំ​គោលដៅ ១០ លើក បំបែក​បាន ៧ គ្រាប់ ខណៈ Spurs មាន​ឱកាស ស៊ុត​ចំ​គោលដៅ ៨ លើក​ប្រហាក់ប្រហែល​គ្នា​ប៉ុន្តែ​ត្រូវ​ Neuer ​សង្រ្គោះ​បាន​ច្រើន​លើក​ច្រើន​សារ៕ ប្រភព៖ AF

ភ្ជាប់ទំនាក់ទំនងជាមួយ CTS SPORT