ខ្សែប្រយុទ្ធចំណូលថ្មី Icardi ដែលក្រុម PSG ខ្ចីជើងពីអ៊ីតាលីមកនោះ រកបានគ្រាប់បាល់១គ្រាប់ជួយក្រុមហើយនៅយប់មិញ យកឈ្នះក្រុម Galatasaray ១-០។
ក្រុម PSG ដែលអវត្តមានខ្សែប្រយុទ្ធសំខាន់ Neymar ដោយសារជាប់បម្រាមនោះ នៅតែធ្វើបានល្អដដែលសម្រាប់ប្រកួតទី២នៅ UEFA Champions League នេះ។ ពួកគេយកបាន៣ពិន្ទុបន្ថែម ដោយឈ្នះក្រុម Galatasaray ក្នុងដី លទ្ធផល ១-០។ ដោយ១គ្រាប់៣ពិន្ទុនេះ ធ្វើបានដោយ Icardi កីឡាករចំណូលថ្មី ហើយនេះក៏ជាគ្រាប់បាល់ដំបូងសម្រាប់រូបគេនៅ UCL ឱ្យក្រុមនេះផងដែរ។
ជាមួយការទទួលបាន៣ពិន្ទុបន្ថែមទៀតនេះដែរ ធ្វើឱ្យក្រុមអ្នកមានបារាំងឈរនៅកំពូលតារាងពូល A ហើយ ដោយមាន៦ពិន្ទុពេញ។ ខណៈដែលក្រុមលេខ២ Club Brugge មាន២ពិន្ទុ លេខ៣ក្រុម Galatasaray មាន១ពិន្ទុ និងលេខ៤ក្រុម Real Madrid មាន១ពិន្ទុដែរ៕ប្រភព៖ Dailymail